Հուլիսի 24-31-ը Հայակական Կարմիր խաչի պատվիրակությունը՝ Գլխավոր քարտուղար Աննա Եղիազարյանի գլխավորությամբ, այցելեց Գերմանիայի Բադեն-Վյուրտեմբերգի երկրամաս։ Պաշտոնական այցի շրջանակներում պատվիրակությունը հանդիպեց Բադեն-Վյուրտեմբերգի երկրամասային մասնաճյուղի նախագահ պարոն Լորենս Մենցի, գլխավոր քարտուղար պարոն Հանս Հայնցի, Միջազգային համագործակցության ղեկավար պարոն Մայքլ Ոիբելի հետ։
Հանդիպումներ և քննարկումներ եղան նաև Աղետների կառավարման, Սոցիալ-առողջապահական, Երիտասարդության և կամավորության բաժինների ղեկավարների և ներկայացուցիչների հետ։
Այցի նպատակն էր ամփոփել երկարատև համագործակցության արդյունքները և վերահաստատելու ապագայում էլ համատեղ ծրագրեր իրականացնելու պատրաստակամությունը։
Հայկական Կարմիր խաչի պատվիրակությունը եղավ նաև Աալեն, Պֆորցհայմ, Բյոբլինգեն համայնքային մասնաճյուղերում՝ ծանոթանալու նրանց գործունեությանը և գտնելու համագործակցության նոր եզրեր։
Հուլիսի 29-ին Մյոսինգեն բնակավայրում տեղի ունեցավ «Դաշտային խոհանոց» մրցույթը, որին մասնակցեց նաև Հայաստանի թիմը՝ գրավելով 4-րդ տեղը՝ ըստ ժյուրիի քվեարկության, և 3-րդ տեղը՝ ըստ հանդիսատեսի։
