2012թ. սեպտեմբերի 24-ից 26-ը Բելառուսի մայրաքաղաք Մինսկում կայացավ ռուսալեզու Ազգային ընկերությունների ղեկավարների հանդիպումը: Երկու տարին մեկ կազմակերպվող հանդիպմանը ներկա էին նախկին ԽՍՀՄ երկրների Ազգային ընկերությունների ղեկավարները, Կարմիր խաչի և Կարմիր մահիկի ընկերությունների միջազգային ֆեդերացիայի նախագահ` պարոն Տադատերու Կոնոյեն, ինչպես նաև ԿԽԿՄՄՖ և ԿԽՄԿ ներկայացուցիչները:
Հանդիպման ժամանակ քննարկումներ ծավալվեցին ձեռքբերումների, առկա խնդիրների և մարտահրավերների շուրջ: Հանդիպման արդյունքների և հետևությունների հիման վրա կազմվեց հանդիպման հանձնառություններով արձանագրություն` բարելավելու և էլ ավելի զարգացնելու Ազգային ընկերությունների կարողություններն ու իրականացվող գործունեությունը:
Հանդիպմանը` Հայկական կարմիր խաչի ընկերությունը ներկայացնում էին Գլխավոր քարտուղար Աննա Եղիազարյանը և Միջազգային հարաբերությունների բաժնի ղեկավար Մարիանա Հարությունյանը:
