Ամեն տարի մայիսի 31-ին Առողջապահության համաշխարհային կազմակերպությունը նշում է «Առանց ծխախոտի» համաշխարհային օրը: Օրվա խորհրդին համահունչ՝ Երևանի Կենտրոն վարչական շրջանի կրթության, մշակույթի և սպորտի բաժինը` Հայկական Կարմիր խաչի կամավորների մասնակցությամբ, հանդես էր եկել մի նախաձեռնութամբ:
Երևանի Շ. Ազնավուրի անվան հրապարակում կազմակերպվել էր ակցիա, որին մասնակից էին դառնում անցորդները. Հրապարակում տեղադրված էին պաստառներ, որոնց վրա նրանք գրում- փակցնում էին ծխելու դեմ պայքարի իրենց կոչերը:
Զուգահեռաբար անցորդներին առաջարկվում էր ծխախոտը փոխանակել կոնֆետի հետ, ինչին շատերը արձագանքում էին հաճույքով: Միջոցառումն ուղեկցվեց թեմատիկ ֆլեշ-մոբով:
