ՀԿԽԸ Աղետների կառավարման և բնակչության տեղաշարժի բաժնի կողմից իրականացվող «Կառուցենք անվտանգ տեղական համայնքներ Հարավային Կովկասում» ծրագրի շրջանակներում շարունակվում են համայնքային միջոցառումները:
Այս անգամ ծրագրի շահառու 14 համայնքների` համայնքային արձագանքման (ՀԱ) թիմերի մասնակցությամբ 4 փուլով կազմակերպվեցին ուսումնական վարժանքներ: Ստորև ներկայացված են փուլերը և մասնակից համայնքային թիմերը.
Ծրագրի համակարգող Ներսես Մարտիկյանի փոխանցմամբ` վարժանքներն անցկացվում էին նախապես մշակված սցենարների համաձայն: Ըստ այդմ` յուրաքանչուր ՀԱ թիմ պետք է փրկարարական աշխատանքներ իրականացներ և օգներ երկու` միջին ծանրության վնասվածքներով (կոտրվածք, արնահոսություն և այլն) տուժածի: Վարժանքների մասնակիցները պետք է իրականացնեին հետևյալ գործողությունները պայմանականորեն ներառված էր՝ տարածքի զննություն, տուժածի հայտնաբերում, առաջին օգնության ցուցաբերուման, գետանցի, տուժածին վտանգավոր տարածքից անվտանգ տարածք տեղափոխում և շտապ օգնությանը հանձնում աշխատանքները:
ՀԱ թիմերի իրականացրած բոլոր աշխատանքները ղեկավարվում էին Շիրակի մարզային փրկարարական վարչության կողմից՝ "Լոռէ" փրկարար ջոկատի հրահանգիչների մասնակցությամբ:
