Ավստրիական զարգացման համագործակցության ֆինանսական աջակցությամբ և Ավստրիական Կարմիր խաչի հետ համագործակցությամբ իրականացվող «Աշխատելով միասին հանուն որակյալ խնամքի, բարեկեցության և արժանապատիվ կյանքի» ծրագրի շրջանակում մարտի 8-ին կանանց միջազգային տոնի կապակցությամբ բարեգործական հիմունքներով ՀԿԽԸ Գյումրու շուրջօրյա խնամքի կենտրոն էին այցելել վարսահարդարներ։ Կենտրոնի բնակիչներին սպասվում էր նաև տոնական համերգ։ Միջոցառման ընթացքում իրենց ելույթներով հանդես եկան երգչուհի Սուսաննա Իսահակյանը և Գյումրու «Հայկական զարդանախշեր» պարային համույթը։ Միջոցառնմանը մասնակցում էին նաև բնակիչների հարազատներ` ընտանիքի անդաներ, ինչպես նաև համայնքի ներկայացուցիչներ։ Միջոցառուման նպատակն էր ներկայացնել ՀԿԽԸ Գյումրու շուրջօրյա խնամքի կենտրոնի աշխատանքի կազմակերպման նոր մոտեցումները հասարակությանը և քաջալերել համայնքի անդամների ներգրավվածությունը կենտրոնի բնակիչների առօրյա կյանքին:
