Տարեց և հաշմանդամություն ունեցող անձանց խնամքի առանձնահատկությունները
Հայկական Կարմիր խաչի ընկերության Գյումրու Շուրջօրյա խնամքի կենտրոնում խնամքի որակը բարելավելու նպատակով կենտրոնի անձնակազմի և կամավորների համար պարբերաբար կազմակերպվող վերապատրաստումների շրջանակում 2025 թ․ ապրիլի 4-ին մեկնարկեց «Տարեց և հաշմանդամություն ունեցող անձանց խնամքի առանձնահատկությունները» թեմայով երկօրյա դասընթացը։ Այն միտված է խնամող անձնակազմի տեսական գիտելիքների և գործնական հմտությունների շարունակական բարելավմանը։ Դասընթացի ընթացքում հատուկ անդրադարձ է կատարվել տարեց և հաշմանդամություն ունեցող անձանց խնամքի ընթացքում բուժքույրական գործընթացների կազմակերպմանը և խնամքի արդի տեխնիկաներին։ Դասընթացը իրականացվել է «Աշխատելով միասին հանուն որակյալ խնամքի, բարեկեցության և արժանապատիվ կյանքի – հաջորդ փուլ» ծրագրի շրջանակում, որն իրականացվում է Ավստրիական Կարմիր Խաչի հետ համագործակցությամբ՝ Ավստրիական Զարգացման Գործակալության համաֆինանսավորմամբ։
